Saturday, June 14, 2014

പാട്



കറുത്ത പാട് 
വിരൽ ചൂണ്ടിയപ്പോൾ 
“ഉരച്ചു കഴുകിയാൽ മാഞ്ഞുപോകും.”
വിരല്‍ത്തുമ്പിൽ
അരിച്ചുകയറിയ കോപം നൊടിഞ്ഞു.
ഉരകല്ലിന്റെ പരുപരുപ്പിൽ
അഞ്ചാണ്ടുരച്ചുരച്ചു        
തേഞ്ഞുപോയ വിരലറ്റവും കടന്ന്‍                           
 പിന്നെയും കയറി                                                                                
 കഴുത്തോളമെത്തി.                                                                                            
അന്നംമുട്ടിച്ച്                                                                                          
തൊണ്ടയിൽ കുടുങ്ങി 
മറുവിരലിൽ ചാടാൻ  
തക്കംനോക്കി നോക്കി.....                                                                                                                                               

6 comments:

സൗഗന്ധികം said...

നല്ല കവിത


ശുഭാശംസകൾ.....



Gireesh KS said...

ഒറ്റ വായനയിൽ പിടി കിട്ടാത്ത കവിത..
ആശംസകൾ..

ശാന്ത കാവുമ്പായി said...

സൌഗന്ധികം,ഗിരീഷ്‌ കെ,എസ്.കവിത വായിച്ചതില്‍ സന്തോഷം.ഗിരീഷ്‌ ഒറ്റ വായനയില്‍ പിടി കിട്ടിയില്ലെങ്കില്‍ ഒന്നുകൂടി നോക്കുമോ?

സലീം കുലുക്കല്ലൂര്‍ said...

അന്നം മുട്ടിക്കുന്ന കഴുത്തോളമെത്തുന്ന കറുത്ത പാട്

ശാന്ത കാവുമ്പായി said...

അത് വിരല്‍ത്തുമ്പില്‍ പതിഞ്ഞതാണ്.

thabarakrahman rahman said...

aashamsakal