Friday, April 13, 2012

കൊന്നപ്പൂക്കണി


സൂര്യതേ‍‍‌ജസിനെയാവാഹിച്ചൊരു
കിങ്ങിണി‍ക്കൊന്നമരം.
സ്വര്‍ണദളങ്ങളൂര്‍ന്നുവീണിടക്കിടെ
മണ്ണില്‍ പൊന്‍ചിത്രപടം വരച്ചു.
മുഗ്ദ്ധമാം സങ്കല്‍പ്പങ്ങള്‍
മൊട്ടിട്ടുവിരിഞ്ഞ
കവിള്‍ത്തടത്തിലിളംകാറ്റ്
തൊട്ടുനോക്കി.
കിങ്ങിണിച്ചാര്‍ത്തുകളിളക്കി
പൊന്‍കണിയൊരുക്കി.
മ‍ഞ്ഞപ്പൂമ്പാറ്റകള്‍ പാറിപ്പറന്നു
വലംവെച്ചെത്തീ കണികാണാന്‍.
മോഹനമക്കാഴ്ചയില്‍ ഞാനും
മിഴിതുറന്നൂ കണികാണുവാന്‍.

Monday, April 2, 2012

സ്നേഹാദരങ്ങളോടെ സ്വാഗതംചെയ്യുന്നു

കുറച്ചുദൂരം താണ്ടി.എങ്ങോട്ടാണെന്നറിബാതെ.എപ്പോഴവസാനിക്കുമെന്നുമറിയില്ല.
യാത്രക്കിടയില്‍ എന്തൊക്കെയോ കണ്ടു.കേട്ടു.അനുഭവിച്ചു.അപൂര്‍ണമായ
അനുഭവക്കാഴ്ചയിലൊരല്‍പ്പം.'കാവുമ്പായിലെ അങ്ങേമ്മയിലും'.
പുസ്തകപ്രകാശനം 2012 ഏപ്രില്‍ 10 ചൊവ്വാഴ്ച വൈകുന്നേരം
3 മണിക്ക് കണ്ണൂര്‍ ജവപര്‍ ലൈബ്രറിഹാളില്‍വെച്ച്.പ്രിയജനത്തെ എന്റെ
സന്തോഷത്തില്‍ പങ്കചേരാന്‍ ക്ഷണിക്കുന്നു.വന്ന് എന്നെ
അനുഗ്രഹിക്കണം.
സ്നേഹപൂര്‍വം
ശാന്ത കാവുമ്പായി