മറനീക്കിയുയരും
കാണാക്കാഴ്ചകളുടെ
പൊരുൾ തേടി.
അതിൽ കണ്ണുംനട്ട്
കണ്ണു കഴച്ച്,
ഇല്ലാക്കാഴ്ചയില് മുങ്ങി,
മയങ്ങി,
എന്നെയറിയാതെ
നിന്നെയറിയാതെ
അന്യാപദേശകഥകളിൽ
പുരാവൃത്തങ്ങളില്
അലഭിരമിച്ച്
മറക്കാം
നമുക്കിനി
നമ്മളെ.
Thursday, February 19, 2009
പ്രണയം
പറന്നുപോമപ്പൂപ്പൻ
താടിയായ്.
കാലാതിവര്ത്തിയായ്.
ഇല്ലായ്മയിലുണ്മയായ്.
രൂപമറ്റ്,
ഗന്ധമറ്റ്,
സ്വത്വംചോര്ന്ന്;
ആത്മഭാവമൊന്നായ്;
അനന്തതയിലലിഞ്ഞുചേരും
ഉദാത്തതയെൻ പ്രണയം.
താടിയായ്.
കാലാതിവര്ത്തിയായ്.
ഇല്ലായ്മയിലുണ്മയായ്.
രൂപമറ്റ്,
ഗന്ധമറ്റ്,
സ്വത്വംചോര്ന്ന്;
ആത്മഭാവമൊന്നായ്;
അനന്തതയിലലിഞ്ഞുചേരും
ഉദാത്തതയെൻ പ്രണയം.
Wednesday, February 18, 2009
സാന്ത്വനം
ഇരുട്ടിലിളംചൂടിൽ മയങ്ങി.
സാന്ത്വനത്തിന്നറയിൽ ചുരുണ്ടു.
പ്രകാശമുണര്ത്തിയന്ത്യ
സാന്ത്വനവും മായ്ച്ചു.
അറിവിന് തീരത്തലഞ്ഞ്
വിലക്കപ്പെട്ട കനികൾ തേടി
മധുരമായ് നിനച്ച്;
കയ്പും ചവര്പ്പും മോന്തി.
തളര്ന്നെത്തി വീണ്ടും ഞാനീ
തമസ്സിലൊന്നു മയങ്ങാൻ.
സാന്ത്വനത്തിന്നറയിൽ ചുരുണ്ടു.
പ്രകാശമുണര്ത്തിയന്ത്യ
സാന്ത്വനവും മായ്ച്ചു.
മുറിവേററലറിക്കരഞ്ഞ്
അമ്മതൻ മാധുര്യം നുണഞ്ഞു.അറിവിന് തീരത്തലഞ്ഞ്
വിലക്കപ്പെട്ട കനികൾ തേടി
മധുരമായ് നിനച്ച്;
കയ്പും ചവര്പ്പും മോന്തി.
തളര്ന്നെത്തി വീണ്ടും ഞാനീ
തമസ്സിലൊന്നു മയങ്ങാൻ.
Subscribe to:
Posts (Atom)