പ്രണയം കുഞ്ഞുന്നാളിലശ്ലീലമായി
ചിരിയടക്കിക്കമിഴ്ന്നു കിടന്നുള്ളില്.
പിന്നെയൊരുനാള് പൂമൊട്ടുപോലെയതു
നാണിച്ചുകൂമ്പിയെപ്പൊഴോ നിവര്ന്നുപോയ്.
തുടുത്തുവിരിയുവാന് കൊതിച്ചെങ്കിലും
കടക്കണ്ണില് കത്തിയ പരിഹാസത്തില്
വാടിച്ചുരുണ്ടുപോയാരുമറിയാതെ.
പുനര്ജ്ജനിമന്ത്രംപോല് വേനല്മഴയില്
പുതുനാമ്പുനീട്ടി പുത്തന് പ്രതീക്ഷകള്
കാലവര്ഷത്തിന്റെ കനിവ് നുകരുവാന്
കാത്തിരുന്ന് മടുത്തൊടുവില് പൊടിമണ്ണില്
കൊടുംവെയിലേറ്റുവാടിവീണു വീണ്ടും.
കരിഞ്ഞും തളിര്ത്തുമിടയില് കാല-
മെത്രയോ കടന്നുപോയിന്നെന്റെ കൈയില്
തടഞ്ഞതിന്റെ മുറിച്ചുമാറ്റിയ തായ്-
വേരുമാത്രമൊരു കിനാവള്ളിപോലെ.
11 comments:
കിനാവള്ളി..
പ്രണയവര്ണങ്ങള്
എന്തായാലും പ്രണയത്തിന്റെ ഒരു തായ് വേരങ്കിലും കൈയിലുണ്ടല്ലോ...ആശംശകള്
നല്ല കവിത
ശുഭാശംസകള് ..............
നന്നായിരിക്കുന്നു
ആശംസകള്
പ്രിയപ്പെട്ട ചേച്ചി,
കവിത നന്നായി. വരികള് വളരെ ഇഷ്ടമായി.
ആശംസകള്
സ്നേഹത്തോടെ,
ഗിരീഷ്
പ്രണയത്തിന്റെ ചില പ്രായപ്പകര്ച്ചകള് യുക്തമായി വരച്ചുകാണിച്ചു.
മനോഹരം ഈ ഭാവങ്ങള്... ഒരിടവേളക്ക് ശേഷം ഞാനും എഴുതുന്നു..., വരുമല്ലോ അവിടേക്ക്.... :)
പ്രണയത്തിന്റെ ഭാവസൗഭഗം ഉൾക്കൊണ്ട ഈ കവിത മനോഹരമായിരിക്കുന്നു, ടീച്ചറെ
സത്യസന്ധതയുണ്ട് വരികളില്.
കിനാവള്ളി ഒരു പ്രണയകവിതക്ക് ജന്മം കൊടുത്തല്ലോ .ആശംസകള് ഒത്തിരി സ്നേഹത്തോടെ ഒരു കുഞ്ഞു മയില്പീലി
Post a Comment