Thursday, December 27, 2018
Wednesday, November 21, 2018
വിശ്വാസം
അവരുമിവരും മറ്റവരുമലറി
‘വിശാസിക്കൊപ്പം.’
അതുകേള്ക്കെയെന് വാ’യൊന്നുകൂടി
മുറുക്കിയടച്ചു.
അല്ലെങ്കില് വിശ്വാസമതുവഴി
ഇറങ്ങിപ്പോയാലോ!
Monday, July 23, 2018
സാക്ഷി
കണ്ടതാണ്,
കേട്ടതാണ്,
അറിഞ്ഞതാണ്.
എന്നാലൊന്നും മിണ്ടില്ല.
അടുത്ത മഴയിൽ പൊങ്ങിവരും.
ഒരു നീര്ക്കുമിള.
കൊന്നതിനും കൊല്ലിച്ചതിനും
സാക്ഷി പറയാന്!
അതുവരെ,
നീതിദേവത കണ്ണടച്ചുറങ്ങട്ടെ.
(അര്ത്ഥം കാരവന് മാസികയില് പ്രസിദ്ധീകരിച്ചത്.)
Wednesday, May 16, 2018
കത്തി
രാകിമിനുക്കിയിട്ടുണ്ട്;
ഇരുതലമൂര്ച്ചയുള്ള
കത്തി.
കൈമുറിയാതെടുക്കാന്
ചുടുനിണമഭിഷേകംചെയ്യണം.
ബലിമൃഗം
ഏതുമാകാം;
എവിടെയെന്നുമാരെന്നുമറിയേണ്ട.
പകമൂത്ത
രാഷ്ട്രതന്ത്രം
മുകളിൽ
നിന്നുത്തരവിടും.
മുഖംമൂടികൾ
എറിഞ്ഞുതരും.
അറവുകാരന്റെ
കൈ വിറയ്ക്കരുത്.
നരനായാലും,
നായായാലും
മുഖം
കാണരുത്,
കാണിക്കരുത്.
കൈയും
കാലും കഴുത്തുമായാൽ
സൌകര്യമേറും.
വൈദഗ്ദ്ധ്യമേതിലായാലും
പ്രായോജകരെത്തുമെളുപ്പം.
തെളുതെളെ
തിളക്കത്തിൽ
മുരുമുരെ
മൂര്ച്ചയിൽ
മനംമയങ്ങി
വരും.
ആയുധപൂജയ്ക്കായ്
ഹിംസ്രജന്തുക്കളിനിയും.
കാവിയായ്,
ചുവപ്പായ്,
പച്ചയായ്,
കറുപ്പായ്,
പലനിറമായ്....
ചെഞ്ചോരയൊഴുക്കും.
പക്ഷേ,
വെളുപ്പ് മാത്രമില്ല.
അധിനിവേശത്തിന്റെ
കാലടയാളങ്ങളിൽ
പാവം
വെണ്മ മറഞ്ഞുപോയി.
ഏതു വര്ണത്തിലലിഞ്ഞാലും
കത്തിക്കു
രുധിരം പ്രിയതരം.
ഇളമാംസത്തിൽ
താഴ്ന്നുപൊങ്ങുമ്പോൾ
വിറയ്ക്കാത്ത
കൈകളിലിരുന്ന കത്തി
വെറുതെയൊന്നു
ഞെട്ടിവിറച്ചു.
അരികുകളിൽ
രക്തംപുരളാതെ....
ദൌത്യമത്
പൂര്ത്തിയാക്കാതെ....
പിന്മടക്കമെങ്ങനെയിനി!
Thursday, March 8, 2018
Wednesday, February 14, 2018
ആമി
ഇന്നലെ കമലിന്റെ ‘ആമി’ കണ്ടു. ഞാന് ഒരു ചലച്ചിത്ര നിരൂപകയൊന്നുമല്ല. എങ്കിലും രണ്ടാമതൊന്ന് ആലോചിക്കാതെ പറയാം. എനിക്ക് സിനിമ ഇഷ്ടമായി. ഇഷ്ടപ്പെടാന് കുറെ കാരണങ്ങളുമുണ്ട്. അതിലൊന്ന് ഇത് മാധവിക്കുട്ടിയുടെ കഥയാണെന്നതാണ്. എന്റെ പ്രിയപ്പെട്ട എഴുത്തുകാരിയാണ് മാധവിക്കുട്ടി. ധീരയായ, സത്യസന്ധയായ, നിഷ്കളങ്ക യായ, പ്രണയത്തിനുവേണ്ടി എന്തും ത്യജിക്കാന് തയ്യാറായ മാധവിക്കുട്ടിയെ ഞാന് ആരാധിക്കുന്നു. ഈ ധീരയായ സ്ത്രീയെ അവതരിപ്പിക്കുന്നത് മറ്റൊരു ധീരയായ സ്ത്രീയാണെന്നത് ഇരട്ടി മധുരം തരുന്നു. കേവലമൊരു ഭാര്യാപദവിക്കുവേണ്ടി അഭിനയ സിദ്ധിയെ ഇത്രകാലവും ഒളിപ്പിച്ചുവെക്കേണ്ടി വന്ന മഞ്ജുവാര്യര് തന്നെയാണ് മാധവിക്കു ട്ടിയാവാന് ഏറ്റവും അനുയോജ്യ യായ താരം എന്ന് ഞാന് വിശ്വസിക്കുന്നു. ആ അനുഗൃ ഹീത കലാകാരിയുടെ കൈയില് കമല സുരക്ഷിതയാണ്. അവരുടെ തിരിച്ചുവരവില് ഏറെ സന്തോഷിച്ച ആളാണ് ഞാന്. മഞ്ജുവിന്റെ അഭിനയജീവിതത്തിലെ പ്രധാനപ്പെട്ട ഒരു കഥാപാത്രമാകട്ടെ മാധവിക്കുട്ടി എന്ന് ആഗ്രഹിച്ചുപോകുകയാണ്.
ഏതായാലും വെല്ലുവിളികള് നിറഞ്ഞ ഒരു ജീവിതകാവ്യത്തെ അഭ്രപാളിയില് അവതരിപ്പി ച്ചതിന് കമലിനെ അഭിനന്ദിക്കാതെ വയ്യ. മലയാളത്തിന്റെ പൂര്ണ സ്ത്രീത്വത്തെ അര്ഹി ക്കുന്ന ബഹുമതിയോടെ അവതരിപ്പിച്ചു എന്നുതന്നെയാണ് ഞാന് കരുതുന്നത്. കുറ്റങ്ങളും കുറവുകളും കണ്ടേക്കാം. അതൊന്നും ചികയാന് ഇവിടെ മെനക്കെടുന്നില്ല. ലോകമറിയുന്ന ഒരു പ്രതിഭയെ അവതരിപ്പിച്ച മറ്റൊരു പ്രതിഭയെയും ആദരിക്കാനും പ്രോത്സാഹിപ്പിക്കാ നുമുള്ള അവസരമാണ്. അതുകൊണ്ട് എല്ലാവരും ആമി കാണണം.
സിനിമ കണ്ടുകൊണ്ടിരിക്കുമ്പോള് സിനിമയ്ക്ക് പുറത്തേക്കും എന്റെ മനസ്സ് സഞ്ചരിച്ചു. സ്നേഹം മാത്രം കാംക്ഷിച്ച നിഷ്കളങ്കയായ കമലയെ പുരുഷന്റെ സര്വകാപട്യത്തോ ടെയും പറഞ്ഞു പറ്റിച്ച് മതംമാറാന് പ്രേരിപ്പിച്ച ആ കള്ളക്കാമുകനോട് ക്ഷമിക്കാന് കഴിയുന്നില്ല. എത്ര ഉന്നതനായ വ്യക്തിയായാലും ചതിയനെന്നു വിളിക്കുകയാണ് ഞാന് അയാളെ. പ്രണയത്തിന് മതം ആവശ്യമില്ലെന്ന് അയാള്ക്കറിയില്ല. മാത്രമല്ല, അയാള് കമലയുടെ പ്രണയം ഒട്ടും അര്ഹിക്കുന്നുമില്ല. കാരണം അത് വിശുദ്ധമാണ്. പ്രിയപ്പെട്ട പെണ്കുട്ടികളോട് ഒരു വാക്ക്.. ആണ്കുട്ടികളോടും.. പ്രണയത്തിനു പകരം പ്രണയം മാത്രം. മതമാവില്ല.
ഏതായാലും വെല്ലുവിളികള് നിറഞ്ഞ ഒരു ജീവിതകാവ്യത്തെ അഭ്രപാളിയില് അവതരിപ്പി ച്ചതിന് കമലിനെ അഭിനന്ദിക്കാതെ വയ്യ. മലയാളത്തിന്റെ പൂര്ണ സ്ത്രീത്വത്തെ അര്ഹി ക്കുന്ന ബഹുമതിയോടെ അവതരിപ്പിച്ചു എന്നുതന്നെയാണ് ഞാന് കരുതുന്നത്. കുറ്റങ്ങളും കുറവുകളും കണ്ടേക്കാം. അതൊന്നും ചികയാന് ഇവിടെ മെനക്കെടുന്നില്ല. ലോകമറിയുന്ന ഒരു പ്രതിഭയെ അവതരിപ്പിച്ച മറ്റൊരു പ്രതിഭയെയും ആദരിക്കാനും പ്രോത്സാഹിപ്പിക്കാ നുമുള്ള അവസരമാണ്. അതുകൊണ്ട് എല്ലാവരും ആമി കാണണം.
സിനിമ കണ്ടുകൊണ്ടിരിക്കുമ്പോള് സിനിമയ്ക്ക് പുറത്തേക്കും എന്റെ മനസ്സ് സഞ്ചരിച്ചു. സ്നേഹം മാത്രം കാംക്ഷിച്ച നിഷ്കളങ്കയായ കമലയെ പുരുഷന്റെ സര്വകാപട്യത്തോ ടെയും പറഞ്ഞു പറ്റിച്ച് മതംമാറാന് പ്രേരിപ്പിച്ച ആ കള്ളക്കാമുകനോട് ക്ഷമിക്കാന് കഴിയുന്നില്ല. എത്ര ഉന്നതനായ വ്യക്തിയായാലും ചതിയനെന്നു വിളിക്കുകയാണ് ഞാന് അയാളെ. പ്രണയത്തിന് മതം ആവശ്യമില്ലെന്ന് അയാള്ക്കറിയില്ല. മാത്രമല്ല, അയാള് കമലയുടെ പ്രണയം ഒട്ടും അര്ഹിക്കുന്നുമില്ല. കാരണം അത് വിശുദ്ധമാണ്. പ്രിയപ്പെട്ട പെണ്കുട്ടികളോട് ഒരു വാക്ക്.. ആണ്കുട്ടികളോടും.. പ്രണയത്തിനു പകരം പ്രണയം മാത്രം. മതമാവില്ല.
Saturday, February 3, 2018
വാര്ത്ത
Subscribe to:
Posts (Atom)